الجمعة، 27 فبراير 2009

ما أدراكِ؟!!!

ما أدراكِ؟!!
ردا على د/هابي "دعني أرحل"



وما أدراكِ..

أنك ما عدت أميرتي..

و ملاكي؟!!!

ما أدراكِ..

أنك إن رحلتِ

أنني سأكون صلبا؟!!!

أو أنني أصلا سأكون؟!!!

ما أدراكِ أني..

لن أصير إلى الجنون؟!!!

ما أدراكِ..

أنك إن رحلتِ..

سأجد ما أحيا لأجله؟!!!

وما أدراكِ..

أني سوف أنجو..

- في رحيلك - من هلاكي؟!!!

...

حبيبتي..

إقبليني إذا..

مجرد ظل ٍ لكِ..

لا يتحرك إلا خلفك..

لا يشغلك النظر إليه..

بل لا تشعرين بوجوده..

ولتجوبي الطرق وحدك..

ولتحتسي الشاي وحدك..

لتفعلي ما تشائين وحدك..

فأنا لن أسمح أبدا..

أن يبدوَ طيفيَ في عينيكِ..

أو أن أهمس في أذنيكِ..

لن أحلم يوماً..

بشفقةٍ علي..

أو نظرةٍ إلي..

أو أي وعود..

لن أجرؤ يوما..

أن أعاتبكِ..

أو أحملك أي ذنب..

فما عهدتك تذنبين..

لن أطمح يوما..

أن أكون غير ما تريدين..

أو أن أتخطى مكاني..

خلفك..

وربما حينها..

تشتاقين إلي..

تبكين علي..

يؤلمك غيابي..

في وجودي!!!

فتنظرين خلفك..

وتأخذين بيدي إلى جوارك..

إلى الحياه..

أو ربما..

لا تلتفتين إلي أبدا..

فأظل - راضيا - ظلا لكِ..




11 هاه..إيه رأيك؟:

الله يا شادي
ايه يا عم دا
...
صباح الفل
انت ليك في الشعر بقاا

هههههههههههههه

إشطة يا ماااان
الواحد كل يوم بيكتشف فيك موهبة
وكدا وبتاع
هههههههههههههههههههه

حبيبي أبدعت


تحياتي
 
دكتور شادى..
مبسوطه جدا انى كتبت حاجه خليتك ترد عليها...
الرد طبعا جامد..
البطل هنا بيحب اوى .. اثر فيا اوى تمسكه بيها للدرجه دى..

دمت مبدعا يا دكتور شادى..
 
الجوهري

صديقي في الكفاح

بأى إنت أول مره تعرف إني باكتب شعر؟؟

سو باد يا مان

عموما

الحمد لله إنك عرفت

شرفتني يا ابو حميد

تحياتي
 
د.هابي

أهلا أهلا

طبعا إنت المره دي مش ضيفه إنتي صاحبة بيت

لولا كلماتك الملهمه مكنتش كتبت الكلام ده

شرفني مرورك جدا وأسعدني
 
كلمات جميلة وأحساس جميل

وبجد تسلم أيدك علي الكلمات الجميلة


بس مش علشان الواحد يحب يوصل للدرجة دي ويتذلل للي بيحبه

لأزم يكون الإنسان اقوي من كده علشان يقدر ينتزع الحب

تقبل مروري أخي الكريم
مجنووون
 
مجنوووون

منورني طبعا

وشكرا على مرورك

بص بأى يا سيدي

هو طبعا الحب مش معناه إن الواحد يتنازل عن كرامته

لأن المفروض إن الحبيب ميسمحش بكده وهو اللي يحافظ على كرامتي لأنها تهمه زيي بالظبط

وإلا يبقى الحبيب ميستاهلش

لكن بطل القصيده هنا حاسس إنها فترة فتور في العلاقه وهتروح لحالها

وبالتالي هو بيقول إنه هيستناها لما ترجعله تاني لوحدها

ماعتقدش إن ده فيه أي تنازل عن الكرامه

شكرا كمان مره لمرورك
 
جميل يا دكتور

وان كان الضعف سمته

وانا مع اللي قول اللي يبيعني ابيع ابوه


تحياتي لروحك الشفافة

كنت جميلا

تقبل مروري
 
د.محمد رضا

أهلا بك

نورتني بجد

هو جايز يكون فيه - من وجهة نظرك اللي بحترمها جدا - شيئ من الضعف ، بس إنا شايف إن البطل هنا بيحب زياده شويه وعاوز يدي حبيبته فرصه على قد ما يقدر

شكرا لمشاركتك

شرفتني بمرورك
 
قبلاوى

نورتني

شكرا للمرور والمشاركه
 
جميله جدا
وما اجمل الضعف في الحب
نحن فيه لسنا بحرب ننتظر فيها من منا ينتصر
بل نكون في حب نتنافس من منا يهب اكثر
بحق رائعه

انتظر زيارتك

تحياتي
 
حلو المرار

سعدت بزيارتك

وبالطبع

ليس الحب حربا

إنه منتهى السلام

شكرا لمرورك
 

إرسال تعليق