شــد اللحـــــــاف
عذرا غزه...لا أملك إلا قلمي وبعض الدعاء
شد اللحاف
ويا بخت من سلم وخاف
ويا بخت من شايف أخوه
راحوا وخدوه
وبيضربوه
وينادي من تحت اللحاف
"يا جماعه ميصحش كده"
"عيب كل ده"
"يلا عشان خاطري سيبوه"
ولا يسمعوه..
هيموتوه
ولسه أخوه تحت اللحاف
طلع دماغه حبتين
وعينه زاغت ع الشمال..
بعد اليمين
ركز أوي جدا وشاف..
جثة أخوه..
وبالعياط حبه اتخنق..
زربن أخينا واتحمق..
صار يجري وكأنه فـ سبق
فجأه وقف..
فكر كده حبه وقال:
"وخروجي من تحت اللحاف..
راح يعمل إيه؟!!!
يا بخت من سلم وخاف!!!"
***
طنش ونام معرفش كام
سمع زعيق..
بعده صريخ..
بعده شوية دربكه..
وحبة كلام..
مكانش عارف..
ده بصحيح والا منام!!
ركز شويه في الكلام
باينه ده صوت المدام
طلع دماغه م اللحاف
ركز أوي جدا وشاف..
اللي كانوا خوّفوه..
اللي يوم قتلوا أخوه..
رجعوا عشان ياخدوا المدام
طأطأ شوية طأطأه!!
ولألأ شوية لألأه!!
وقال : "خلاص هاخرج بأى"
رجع وكحكح كحتين
"دي الدنيا برد حبتين"
"وأصل أنا عندي زكام"
وخروجي يعني هيعمل ايه؟!!!
وإيه حيجرا للمدام؟!!!!
شد اللحاف!!
طنش ونام!!
***
ويا بخت من سلم وخاف
ويا بخت من شايف أخوه
راحوا وخدوه
وبيضربوه
وينادي من تحت اللحاف
"يا جماعه ميصحش كده"
"عيب كل ده"
"يلا عشان خاطري سيبوه"
ولا يسمعوه..
هيموتوه
ولسه أخوه تحت اللحاف
طلع دماغه حبتين
وعينه زاغت ع الشمال..
بعد اليمين
ركز أوي جدا وشاف..
جثة أخوه..
وبالعياط حبه اتخنق..
زربن أخينا واتحمق..
صار يجري وكأنه فـ سبق
فجأه وقف..
فكر كده حبه وقال:
"وخروجي من تحت اللحاف..
راح يعمل إيه؟!!!
يا بخت من سلم وخاف!!!"
***
طنش ونام معرفش كام
سمع زعيق..
بعده صريخ..
بعده شوية دربكه..
وحبة كلام..
مكانش عارف..
ده بصحيح والا منام!!
ركز شويه في الكلام
باينه ده صوت المدام
طلع دماغه م اللحاف
ركز أوي جدا وشاف..
اللي كانوا خوّفوه..
اللي يوم قتلوا أخوه..
رجعوا عشان ياخدوا المدام
طأطأ شوية طأطأه!!
ولألأ شوية لألأه!!
وقال : "خلاص هاخرج بأى"
رجع وكحكح كحتين
"دي الدنيا برد حبتين"
"وأصل أنا عندي زكام"
وخروجي يعني هيعمل ايه؟!!!
وإيه حيجرا للمدام؟!!!!
شد اللحاف!!
طنش ونام!!
***
17 هاه..إيه رأيك؟:
اولا الفكره وتعبيرك عنها ممتاز .. روعه بجد ..
ثانيا بقى اللا مبالاه اللى كلنا بقينا فيها وحتى لو مفيش لا مبالاه مش عارفين نعمل إيه عشان نكون قادرين نغير وبنكتفى بحبة زعيق وحبة كلام ..
الكلام مفيش منه فايده بس السكوت ممكن يخنقنا وبصراحه احنا محتاجين حاجه اقوى من الكلام ومن السكوت ..
أولا أهلا بيكي
ثانيا
إذا كان السكوت هيخنقنا ويموتنا بسرعه ونخلص فالكلام اللي لا بيودي ولا بيجيب هيموتنا بالبطيء
كده وكده مش نافع
كده وكده الناس بتموت كل يوم
بجد يا ريت نعمل حاجه بدل الموت..بالكلام أو السكوت
لو عرفت احا المفروض نعمل ايه اكيد لازم تعرفنى عشان هكون معاكوا ان شاء الله ..
احسنت التعبير و الدباجة باسلوب تصويري بديع
تحياتي
أهلا بيكي كمان مره
طبعا لو عرفت أنا مش هاقولك بس أنا هاقول لمصر كلها
زي متقولي كده أنا كنت بفكر بصوت عالي
مش أكتر
أهلا بك بمدونتي
شرفني مرورك جدا
أسعدني كثيرا
أتمنى أن يتكرر
تحياتي
احنا بقينا قمة اللا مبالاة
اسلوب اكتر من رائع كالعادة
تسلم الايادي
لو تسمحلي بعد اذنك يا د/ شادي
ممكن اخدها احطها ف مجلة الأسرة .. فيه ركن هنعمله للمدونين .. لو مفيش مانع عند حضرتك يعني
أهلا بك
وشكرا لمرورك وردك
وطبعا
مفيش أي مانع إنها تتحط في مجلت الأسره
وهيكون ليا الشرف
دمت بكل خير
متشكرين جدا
ربنا يوفقك دايما يا رب
جاامدة جدا وموحية وبتعبر عم واقع بيحصل فعلا
اتمنى ميكونش هو القاعدة
تحياتى ليك
أهلا بك بمدونتي
أسعدتني زيارتك
وأتمنى مثلاك غنه ميكونش قاعده
تحيتي لك
شرفتني بالمرو وبالرد
انت كمااااااااااان
بتكتب شعر عامي
حبيبي
لينا لقاء
أنا بكتب برضو شعر عامي
عجبتني أوي الحتة دي
وبالعياط حبه اتخنق..
زربن أخينا واتحمق..
صار يجري وكأنه فـ سبق
الله يابني
رائعة
تحياتي
وبجد
سلم قلمك
يا مرحبا يا مرحبا
أنا عارف طبعا إنك بتكتب عامي كويس
يعني بقيت أبو الزمل
بس أنا أقدم منك ياد
شرفتني يا باشا
جيوش غريبه
تهجم تخرب
قال ايه تحرر
بلاد قريبه
بالزمه عيبه
و قلت مالى
ما هى مش بلادى
و عدانا ترعى
فى ارض حره
و تبقى مرعى
لكل فاضى
نصاب و عامل
فيها قاضى
و برضه قلنا
و ماله عادى
و قلنا مالنا
ما هيش بلادى
مش راح نفوق
و ندرى الا
ما ييجى دورنا
و لا حنبقى
غنم و نوق
ايه يا ابن بلدى
مش راح تفوق
ده جزء من عمل متواضع قديم فكرتنى بيه رائعتك اللى بلاشك اروع بمراحل
-------------------
مش بس ساخر من الاوضاع الاجتماعيه
كمان السياسيه
كل مره بكتشف بعد جديد
و موهبه جميله و قلم له خلفيته و هويته
جميل بجد
بالطبع زيارتك تشرفني وتسعدني
وأعجبتني جدا مقطوعتك ليتك كتبت القصيدة كلها
شكرا لمرورك
دمت بكل خير
إرسال تعليق